O termo recursos engloba o mobiliario e os materiais, cuxa cantidade, variedade, características e disposición condicionarán en gran medida o proceso de ensinanza aprendizaxe.
O mobiliario debe ser práctico e acorde ás características e necesidades do alumnado. A súa disposición debe ser versátil e contribuír á creación dun contorno confortable, cálido e atraente, favorecendo o acceso aos materiais e a autonomía das nenas e os nenos e permitindo realizar adaptacións e cambios en función das necesidades do grupo.
A nosa aula está organizada en diferentes recunchos, claramente delimitados, dotados do mobiliario e material adecuado e dispostos de modo que non se produzan interferencias entre as actividades desenvolvidas en cada un deles.
En canto ao mobiliario, disporemos de mesas e cadeiras infantís, alfombras e colchonetas, un espello, armarios estantes e colectores variados para o material.
Así mesmo, os diferentes recunchos estarán dotados de materiais variados, en cantidade suficiente e pertinentes en función da temática e do tipo de actividades que se desenvolva en cada un deles e dos obxectivos para os que foron concibidos. Os materiais deben ser seguros, atraentes e resistentes, e deben presentar múltiples posibilidades de utilización.
Ningún comentario:
Publicar un comentario